من الفراق

عضو جديد عدد الرسائل : 33

اصعب سؤال اللي جوابه للاسف مثله سؤال
ماهو تفلسف الا موقف صار واسمع ثاني بيت
البارحه يومه سأل وش ذكرك ذيك الليــــــال
كان الجواب بكل بساطه من متى اصلا نسيت
أدري بأن جمع الصعوبه والبساطه شئ محال
لكنها صارت كذا واللي اهم اني دريــــــــــــت
ان الحياة ببعد احبابك إذا جف الوصـــــــــــال
تعيشها وانت مقتنع انك خلاص اصبحت ميت
ياصاحبي لو كل شئ يمر بالخاطر يقــــــــال
ماكانت العبره تولجني ليامنك طريـــــــــــت
شفني قدرت احبس دموعي بس دمع القاف سال
وياكبرها ساكت ولكن داخل اوراقي بكيــــت
الحال في بعدك قسم بالله ماسميه حال
انوي على الضحكه واحس كلي خطأ لاني نويت
تخيل انك من رحلت اشوفك لجسمي ضلال
لاشفته امشي ببتعد واثره معي مهما مشيت
مادام يعني في بحرك لفرحتي مليون جال
وش فيه موجك ماركد قربت اموت ولارسيت
يرضيك ماعادة معي تفرق اذا جالك مجال
لاني اقتنعت انك نهايه واني ببطي مابديت
صرت اعقد حجاجي اذا جابوك باطراف الجدال
وانا قبل لا قالوا اسمك كني ميت ثم حييت
تعبت عيشة دور وافتح للمعابير الخيـــــال
واتخيل اتي جيت في بالك وبانك استحيت
وتردلي كلك وله وتقول كن البعد طـــــال
ومن الفرح ماعاتبك واقول ياخي مابغيت
حتى وانا اتخيل حشمتك لان قلبي لايزال
يكرر اسمك داخل اعماقي بنبضه لاسهيت
قلي شسوي فيك وانت بداخلي اصدق مثال
للحب واحساس القصيد ان عانق الليل وسريت
ربي يصبرني على الفرقى مادام الحض مال
وانت بيجيلك يوم تعرف ليه في بعدك شكيت
اذا بلاك الله وعذبك اشتياقك بس تعـــــــال
واقرى القصايد في غيابك كل ابوها بيت بيت
بتدري ان اصعب سؤال اللي يجي رده سؤال
لاقلتلي وش ذكرك ثم قلتلك متى نسييييت

موضوع: رد: من الفراق السبت أكتوبر 11, 2008 11:16 pm

شكرا على الموضوع الروعة